Qusarda vətəndaşların növbəti səyyar qəbulu keçirilib. Bu haqda ShimalNews 18 iyul tarixində məlumat verir.
Rayon İcra Hakimiyyətinin başçısı Sahir Məmmədxanov, Aparatın əməkdaşları, hüquq-mühafizə orqanlarının, bir sıra idarə və müəssisələrin rəhbərləri rayonun Qaratoba kəndində sakinlərlə görüşüblər.
Qəbulda kəndin qazlaşdırılması, köhnəlmiş elektrik dirəklərinin və xətlərin yeniləri ilə əvəz edilməsi, avtomobil yolunun təmiri, yeni məktəb binasının tikintisinə ehtiyacın olması və bir sıra digər məsələlər qaldırılıb.
Sahir Məmmədxanov qaldırılan məsələlərlə tanış olaraq aidiyyəti qurumların rəhbərlərinə müafiq göstərişlər verib, digər məsələlərin həlli üçün zəruri tədbirlərin görüləcəyini bildirib.
