Qusar rayonunda bu gece ərazində 2 yanğın hadisəsi baş verib. Bu barədə ShimalNews 16 avqust tarixində Fövqəladə Hallar Nazirliyinə (FHN) istinadən məlumat verir.
Belə ki, Qalacıq kəndində həyətyanı sahədə yığılan ot bağlamaları yanıb. Ərazidə tonlanan 4,5 ton bağlamasının 1,5 tonu alovlanıb.
Digər yanğın Gədəzeyxur kəndində qeydə alınıb. Burada da həyətyanı sahədə yığılan ot bağlamaları alovlanıb. Yanğın nəticəsində 3 ton ot bağlamasının 1 tonu kül olub.
Əraziyə cəlb edilən xilasedicilər ot bağlamalarının qalan hissəsini yanğından mühafizə edə biliblər.
