Qusar Rayon Polis Şöbəsinin (RPŞ) təşkilatçılığı ilə rayonun Piral kənd tam orta məktəbində görüş keçirilib. Bu haqda ShimalNews 19 mart tarixində məlumat verir.
Tədbirdə polis əməkdaşları, məktəbin pedaqoji heyəti, eləcə də yuxarı sinif şagirdləri iştirak ediblər. Əsas mövzu “Narkomaniyaya yox deyək” olub.
Narkotik vasitələrin insanlar üçün yaratdığı problemlər və onlara qarşı ölkəboyu həyata keçirilən genişmiqyaslı əməliyyatlar barədə şagirdlər məlumatlandırılıblar.
Həmçinin məktəblilərə dövlət və dövlətçilikdən bəhs edilərək, onlara sağlam gələcək naminə təhsillərinə daha çox diqqət ayırmalı olduqları bildirilib.
Yekunda mövzular ətrafında məktəblilərin sualları cavablandırılıb.
