Rayon İcra Hakimiyyətinin başçısı Sahir Məmmədxanov Qusar şəhərindəki ümumtəhsil məktəbləri və uşaq bağçalarına baxış keçirib. Bu haqda ShimalNews 20 avqust tarixndə xəbər verir.
İcra başçısı ilk olaraq məktəblərinin sinif otaqları, laboratoriyalar və idman zalları yoxlayıb. Məktəb rəhbərləri ilə görüşlərdə çətinliklər, problemlər və onların həlli yolları müzakirə olunub. Məktəblərin maddi-texniki bazasının gücləndirilməsi və müasir avadanlıqlar ilə təchiz edilməsi məsələlərinə diqqət yetirilib. Daha sonra bağçaların vəziyyəti, uşaqların tərbiyə şəraiti, qidalanma və oyun sahələri yoxlanılıb. Bağça rəhbərləri ilə müasir təlim metodları, infrastruktur yenilənməsi və təhlükəsiz mühit məsələləri müzakirə olunub.
Səfərin sonunda, RİH başçısı məktəblərin təmirinin və yeni məktəblərin tikilməsinin zəruriliyini qeyd edərək, aidiyyəti qurumlara bu məsələləri qaldıracağını bildirib.
