Qusarda "Təmiz ölkəm" aksiyası keçirilib. Bu haqda ShimalNews 3 avqust tarixində məlumat verir.
Tədbir Ekologiya və Təbii Sərvətlər Nazirliyi ilə Qusar rayon İcra Hakimiyyəti tərəfindən təşkil edilib. Aksiyada 5 saylı Regional Meşə Təsərrüfatı Mərkəzinin, 5 saylı Ekologiya və Təbii Sərvətlər Nazirliyinin regional idarəsinin, Qusar Mənzil Kommunal Təsərrüfatı İdarəsinin əməkdaşları və şəhər sakinləri olmaqla ümumilikdə 180 nəfər iştirak edib.
Qusar meşəbəyliyinin 15 saylı dolayının 83 saylı kvartalında meşə ərazisinin 7 hektar ərazisindən 1200 kiloqram bərk məişət tullantısı təmizlənib. Toplanan tullantılar poliqona daşınıb.
