Qusarın icra başçısı Şair Alxasov Köhnə Xudat kəndində vətəndaşların səyyar qəbulunu keçirib. Bu haqda ShimalNews 6 aprel tarixində RİH-yə istinadən xəbər verir.
Görüşdə RİHB Aparatının əməkdaşları, hüquq-mühafizə orqanlarının, bir sıra idarə və müəssisələrin rəhbərləri də iştirak ediblər.
Sakinlər payız-qış aylarında məktəb binasının isidilməsi üçün təbii qazla təchizatı, fasiləsiz elektrik enerjisi ilə təminatı üçün köhnə elektrik dirəklərinin, transformatorun yeniləri ilə əvəz olunmasını və bir sıra digər məsələlərin həllinə köməkliyin göstərilməsini xahiş ediblər.
Qaldırılan məsələlərin bir qisminə müvafiq izahat verilmiş, digərlərinin həlli aidiyyəti qurumlara tapşırılmışdır.
