Qusar rayonu ərazisində yerləşən Şahdağa qar yağıb. Bu haqda ShimalNews 17 iyul tarixində Milli Hidrometeorologiya Xidmətinə istinadən xəbər verir.
Xidmətdən verilən məlumata əsasən, yağıntı gecə saatlarında Şahdağın 2800 metr yüksəkliklərində olub.
Düşən yağıntının miqdarı: Qrızda 26 mm (aylıq normanın 46%-i), Qusarda 21 mm (aylıq normanın 70%-i), Şahdağda 19 mm (aylıq normanın 64%-i), Xaçmaz, Quba, İsmayıllıda 8 mm-dək olub.
Ölkə ərazisində müşahidə olunan qeyri-sabit yağıntılı hava şəraiti iyulun 18-i gündüzədək davam edəcək. Havanın temperaturu tədricən yüksələcək.
