Qusar rayonunun Hil kəndində fövqəladə hallarla bağlı davranış qaydaları üzrə maarifləndirmə tədbirləri keçirilib. Bu barədə ShimalNews 24 sentyabr tarixində FHN-in mətbuat xidmətinə istinadən xəbər verir.
Seminar FHN-in Dövlət Yanğın Nəzarəti Xidmətinin mütəxəssislərinin və Şimal Regional Mərkəzinin iştirakı ilə baş tutub.
Tədbirlərdə texnogen xarakterli və ölkəmiz üçün xarakterik olan fövqəladə hallar, onların təsnifatı, o cümlədən yanğınların başvermə səbəbləri və bu zaman zəruri davranış qaydaları barədə ətraflı məlumat verilib.
Eləcə də ilkin yanğınsöndürmə vasitələrindən istifadə qaydaları əyani şəkildə nümayiş etdirilib və FHN-in “112” qaynar telefon xəttinin təyinatı izah olunub.
