Dini Qurumlarla İş üzrə Dövlət Komitəsi (DQİDK) tərəfindən Qusar rayonunda hərbçilər üçün tədbir keçirilib. Bu haqda 30 mart tarixində Shimal.news komitəyə istinadən xəbər verir.
“Vətənpərvərlik ruhunun yüksəldilməsində mənəvi və dini dəyərlərin rolu” mövzusunda görüş N saylı hərbi hissədə təşkil edilib. Çıxışlar zamanı qonaqlar vətənpərvərlik ruhunun yüksəldilməsində mənəvi və dini dəyərlərin rolundan bəhs ediblər. Sonda “Vətən naminə” sənədli filmi təqdim edilib.
Tədbirdə DQİDK-nın Quba bölgəsi üzrə şöbəsinin müdir müavini Elnur Ağasiyev, şöbənin əməkdaşı Mehman Məmmədov, hərbi hissə komandirinin müavini Osmanbəy Rəcəbov, Qərargah rəisi Yusif Nağıyev, eləcə də şəxsi heyət iştirak ediblər.
