Qusar şəhərində ədliyyə naziri Fərid Əhmədovun vətəndaş qəbulu keçirilib. Bu haqda ShimalNews 23 iyul tarixində məlumat verir.
Qəbuldan əvvəl nazir Heydər Əliyevin abidəsini ziyarət edib və önünə gül dəstəsi qoyub. Fərid Əhmədovla görüşdə Qusar, Quba, Xaçmaz, Şabran və Siyəzən rayon sakinləri iştirak ediblər. Vətəndaşların qaldırdıqları məsələlərin bir qismi yerində müsbət həllini tapıb.
Səfər çərçivəsində nazir Qusar rayon icra və probasiya, eləcə də qeydiyyat şöbələrinə və Qusar Rayon Məhkəməsinə baş çəkib, infrastruktur və iş şəraiti ilə tanış olub.
