Qusarda məktəblilər üçün erkən nikahla bağlı maarifləndirici tədbir keçirilib. Bu haqda 30 mart tarixində Shimal.news sosial şəbəkələrə istinadən xəbər verir.
Tədbir Çiləgir kənd tam orta məktəbində baş tutub. Məktəbin psixoloqu Stella Hacıyeva şagirdlərə insan psixologiyasından, xüsusilə də azyaşlı qızların sağlamlığından bəhs edib. O, həmçinin erkən ərə gedən qızların hələ uşaqlıq dövrünü yaşadığı üçün onların ana olduqları zaman öz uşaqlarına laqeyd yanaşması kimi real problemlərdən də danışıb.
