Bu gün qəhrəman şəhidimiz gizir Kərim Hüseynovun mövlud günüdür.
Kərim Hüseynov 30 dekabr 1989-cu ildə Qusar rayonu, Piral kəndində anadan olub. Ordumuzun giziri olan Kərim 2020-ci il sentyabrın 27-də torpaqlarımızın azad edilməsi üçün başlanan Vətən müharibəsində igidcəsinə savaşıb.
Füzuli uğrunda gedən döyüşlərdə iştirak edən Kərim oktyabrın 9-da şəhidlik zirvəsinə ucalıb. Qəhrəman döyüşcümüz Qusar rayonunda dəfn olunub.
Kərim Hüseynov ölümündən sonra "Vətən uğrunda", “Döyüşdə fərqlənməyə görə” və "Füzulinin azad olunmasına görə" medalları ilə tətif edilib.
Şəhidimiz ailəli idi. Onun 2 övladı Vətənə əmanət qalıb.
