“Bir çox müəllimin rayonda evi olmadığı üçün Bakıya gəlib kurslarda işləmək məcburiyyətində qalır”.
Redaktor.аz-ın məlumatına görə, bu fikirləri təhsil eksperti Elşən Qafarov bildirib.
Ekspertin fikrincə, 21-22 yaşlı gənclər görmədikləri mənzərələrlə qarşılaşırlar və müxtəlif neqativ yollara baş vurmaq məcburiyyətində qalırlar:
“Bəzən yerli məktəblərdə onlar üçün şərait yaradılır. Nisbətən yaxın, Şamaxı, Siyəzən, Qobustan, Quba kimi ərazilərdə çalışanlar isə gündəlik olaraq Bakıya gedib-gəlmək məcburiyyətində qalırlar. Onların aldığı əmək haqqı yol puluna gedir. Hər gün bu qədər yol gedib-gəlmək yaşayışları üçün təhlükəlidir. Düşünürəm ki, onların həm yaşayışı, həm də digər sosial ehtiyacları qarşılanmalıdır. Bununla bağlı sistemli işlər görülməlidir. Bizdə görülən işlər gənc müəllimin tələbatının cüzi hissəsini belə ödəmir".
