Qubanın dağlıq ərazilərində meşə yanğını davam edir. Bu barədə ShimalNews-a 17 avqust tarixində məlumat daxil olub.
Hazırda Vəlvələ kənd icra nümayəndəliyinə daxil olan İsnov kəndində FHN və polis bölmələri ərazini mühafizə edirlər. Küləkli hava alovun geniş ərazilərə yayılmasına səbəb olub.
Sakinlərin sözlərinə görə, taxıl sahələrindən başlayan fəlakət daha sonra meşəyə yayılıb.
Daha öncə Quba və Şabran rayonlarında adıçəkilən fövqəladə halın başlaması haqqında məlumat vermişdik.
Görüntüləri izləyicilərimizə təqdim edirik.
