Qubada "Uşaqların icbari dispanserizasiyasının həyata keçirilməsi qaydaları"na əsasən, internatlarda müayinələr keçirilib. Bu barədə ShimalNews 2 dekabr tarixində Aztibb.az-a istinadən məlumat verir.
Rayon mərkəzi xəstəxanasının səyyar həkim briqadası tərəfindən rayonun valideyn himayəsindən məhrum olmuş uşaqlar üçün tam orta internat məktəbində tibbi müayinələr aparılıb.
Bu prosesin məqsədi uşaqların sağlamlığının qorunması, onlar arasında xəstəliklərin vaxtında aşkar edilməsi olub. Uşaqlar ümumi baxışdan, o cümlədən nevrolojı, stomatoloji, göz, LOR, pediatr və dermatoloqun müayinələrindən keçiblər, onlardan müvafiq qan analizləri alınıb.
