Quba Heydər Əliyev Mərkəzində 15 Iyun – Milli Qurtuluş Günü qeyd edilib. Bu haqda 13 iyun tarixində ShimalNews mərkəzə istinadən məlumat verir.
“Milli dövlətçiliyimizin xilaskarı” mövzusunda tədbir mərkəzin və GİKM-in Quba nümayəndəliyinin birgə təşkilatçılığı və Quba rayon İcra Hakimiyyətinin təşkilati dəstəyi ilə baş tutub.
Burada dövlət qurumlarının rəhbər şəxsləri, təhsil müəssələrinin əməkdaşları, müəllim və şagirdləri, Quba Asan Xidmət Mərkəzinin əməkdaşları iştirak ediblər.
Rəsmi hissədən sonra məktəblilər şeirlər və maraqlı musiqi nömrələri ilə tədbiri davam etdiriblər. Sonda təşkilatçılar tərəfindən hazırlanmış fləş-mob videoçarx formatında nümayiş edilib və “Nə? Harada? Nə zaman?” intellektual oyununun I, II, III yerlərinin qalibləri kubok və diplomlarla təltif olunublar.
