Bu gün Qubada "İdman hamı üçün" devizi ilə şahmat üzrə nümunəvi tədbir keçirilib. Bu barədə ShimalNews 12 avqust tarixində Quba Gənclər İdman İdarəsinə istinadən məlumat verir.
Tədbir Gənclər və İdman İdarəsi və Vətən müharibəsi qəhrəmanı Şahin Allahyarov adına Şahmat məktəbinin birgə təşkilatçılığı ilə keçirilib.
Nizami adına mədəniyyət və istirahət parkında gənc şahmatsevərlər güclərini sınayıblar. Fərqlənən idmançılar diplomlarla təltif ediliblər.
Yarışın keçirilməsində məqsəd idmanın geniş kütlə arasında təbliği, ona olan marağın artırılması və asudə vaxtın səmərəli təşkilidir. Məlumata görə, növbəti həftəsonları müxtəlif idman növləri üzrə nümunəvi çıxışların keçirilməsi nəzərdə tutulub.
