Qubada əmisinin fermasından mal-qara oğurlayan şəxs saxlanılıb. Bu barədə ShimalNews 21 dekabr tarixində DİN-in mətbuat xidmətinə istinadən məlumat verir.
Quba RPŞ-yə rayonun Amsar kəndi ərazisində olan fermadan 6 baş iribuynuzlu və 2 baş xırdabuynuzlu heyvanın oğurlanması barədə məlumat daxil olub. Keçirilən əməliyyat-axtarış tədbirləri nəticəsində bu əməli törətməkdə şübhəli bilinən rayon sakinləri Ümid Mehdiyev və İlham Rəcəbli saxlanılıblar.
Şübhəli şəxslər törətdikləri əməli etiraf ediblər. Oğurluq edilən ferma Rəcəblinin əmisinə məxsusdur. Oğrular zərərçəkmişə ümumilikdə 6800 manat ziyan vurublar.
Faktla bağlı araşdırma aparılır.
