Qubanın Mahmudqışlaq kəndində ər həyat yoldaşını qətlə yetirib və polisə təslim olub. Bu barədə ShimalNews 25 iyul tarixində məlumat verir.
Hadisə bu gün saat 03:00 radələrində qeydə alınıb. İlkin məlumata görə, 26 yaşlı Elşad Güliyev qısqanclıq zəminində 24 yaşlı Rəvanə Güliyevanı bıçaqlayaraq qətlə yetirib.
Prokurorluğun qərarı əsasında E.Güliyev şübhəli şəxs qismində tutulub. Faktla bağlı Cinayət Məcəlləsinin 120.1-ci (qəsdən adam öldürmə) maddəsilə cinayət işi başlanaraq ibtidai istintaq aparılır.
