Qubada Töhmər kəndində taxıl biçimi gecikir. Bu haqda ShimalNews 11 iyul tarixində Den.az-a istinadən məlumat verir.
Rayonun dağlıq kəndlərinə kombaynlar biçin üçün getmir. Kənd sakinləri bildiriblər ki, keçən illərdə də bu kimi çətinliklərlə üz-üzə gəliblər. Əvvəllər kombayn sahibləri kəndin yolunun olmamasını bəhanə gətirirdilər.
"Hazırda, dağətəyi ərazilərdə - Vəlvələ, Paşaoba, Çağaçuğ və digər kəndlərin ərazilərində olan əkin sahələri biçildiyindən kombaynları yuxarı kəndlərə göndərə bilmirik. Lakin bu yaxın günlərdə Töhmər və digər dağlıq kəndlərə biçin üçün kombayn göndəriləcək”, Aqroservis ASC-nin Quba rayon bölməsinin bölmə rəhbəri Əfrasiyab Qubatov bildirib.
