Fövqəladə Hallar Nazirliyinin Şimal Regional Mərkəzi və Dövlət Yanğın Nəzarəti Xidmətinin birgə təşkilatçılığı ilə Quba Rayon Mərkəzi Xəstəxanasında nəzəri və praktiki təlim keçirilib.
Shimal.News xəbər verir ki, təlim zamanı xəstəxana əməkdaşlarına fövqəladə hallar və yanğın zamanı davranış qaydaları izah olunub, ilkin yanğınsöndürmə vasitələrindən istifadə qaydaları nümayiş etdirilib.
Praktiki hissədə isə şərti yanğın ssenarisi üzrə təxliyə, xilasetmə və yanğının söndürülməsi əməliyyatları uğurla icra olunub. Təlimin məqsədi müəssisə əməkdaşlarının fövqəladə hallara hazırlıq səviyyəsini artırmaq olub.
