Quba-Xaçmaz Regional Təhsil İdarəsinin təşkilatçılığı ilə baş tutan “Birlikdə qazanaq” adlı layihə start alıb. Bu haqda ShimalNews 12 iyul tarixində quruma istinadən məlumat verir.
Onlayn formatda keçirilməsi nəzərdə tutulan təlimlərə regionda fəaliyyət göstərən bilikli və bacarıqlı təlimçi-müəllimlər cəlb olunublar. Məşğələlər Azərbaycan dili, metodika və riyaziyyat fənləri üzrə həftədə 2 dəfə olmaqla təşkil olunur.
Layihənin əsas məqsədi sertifikatlaşdırma prosesində iştirak edəcək ibtidai sinif müəllimlərinin ixtisas və metodika üzrə biliklərinin təkmilləşdirilməsi və onlar üçün psixoloji-stimullaşdırıcı mühitin yaradılmasından ibarətdir.
