Qubada şəhid Rəvan Əliyevin bacısının toy şənliyi keçirilib. Bu barədə ShimalNews 17 iyul tarixində məlumat verir.
Dünən baş tutan mərasimdə şəhidin atası Yusif bəyin və anası Mehriban xanımın sevincini bölüşmək üçün şəhid ailələri, qohumlar, kənd sakinləri, rayon İcra Hakimiyyətinin rəsmiləri, hüquq-mühafizə orqanları, idarə, təşkilat, müəssisə rəhbərləri təşrif buyurublar.
Rəvan Əliyev 27 may 2001-ci ildə Sumqayıt şəhərində anadan olub. Quba şəhərində yaşayıb. 2007-ci ildə Quba şəhər 3 saylı orta məktəbində təhsil almağa başlayıb. 5 iyul 2019-cu ildə hərbi xidmətə yollanıb. Yevlax şəhərində yerləşən Dövlət Sərhəd Qoşunlarında xidmət edib. Rəvan silah yoldaşları arasında ilk yeddi şəhiddən biri olub.
Oktyabrın 23-də şəhid olub və 29 oktyabr 2020-ci ildə Quba Şəhidlər xiyabanında dəfn olunub. Ölümündən sonra "Vətən uğrunda", "İgidliyə görə", "Zəngilanın azad olunmasına görə" medalları ilə təltif edilib.
[video width="368" height="656" mp4="https://shimal.news/storage/photos/2023/07/WhatsApp-Video-2023-07-17-at-01.14.15_1.mp4"][/video]
[caption id="attachment_44553" align="alignnone" width="640"]
Photo Shimal.News[/caption]
[caption id="attachment_44552" align="alignnone" width="640"]
Photo Shimal.News[/caption]
