Bu gün Qubanın Qamqam kəndində Rustov kənd İnzibati Ərazi Dairəsi üzrə vətəndaşlarla görüş keçirilib. Bu barədə ShimalNews 11 iyul tarixində RİH-yə istinadən məlumat verir.
Tədbirdə Milli Məclisin deputatı Vahid Əhmədov və Quba Rayon İcra Hakimiyyəti başçısının səlahiyyətlərini müvəqqəti icra edən, başçının birinci müavini Tariyel İbrahimov iştirak ediblər.
Görüşdən əvvəl şəhid, Vətən Müharibəsi Qəhrəmanı Mehrab Söhrab oğlu Niftəliyevin xatirəsinə yaradılmış abidə kompleksi şəhidin ailə üzvləri ilə birlikdə ziyarət olunmuşdur.
Daha sonra vətəndaşlar tərəfindən qaldırılan məsələlər və irəli sürülən təkliflər ətraflı dinlənilib. Onlar icraata götürülüb və bir çoxu ilə bağlı aidiyyəti şəxslərə yerindəcə lazımi tapşırıqlar verilib.
