Dövlət İmtahan Mərkəzi iyulun 7-də ali təhsil müəssisələrinə qəbul imtahanı təşkil edəcək. Bu haqda ShimalNews 4 iyul tarixində məlumat verir.
Quba və Xaçmazda II və III ixtisas qrupları (o cümlədən I ixtisas qrupu üzrə RK və Rİ altqruplarının hər ikisini seçənlər üçün informatika fənni) üzrə qəbul imtahanı üçün iyunun 30-dan etibarən "İmtahana buraxılış vərəqəsi" çap edilə bilər.
Ümumilikdə bu il II ixtisas qrupu üzrə 17.431, III ixtisas qrupu üzrə isə 21.193, I ixtisas qrupu üzrə RK və Rİ altqruplarının hər ikisini seçən abituriyentlər üçün informatika fənni üzrə imtahanda isə 8.896 nəfər olmaqla cəmi 47.520 abituriyentin iştirakı nəzərdə tutulur.
