Dövlət İmtahan Mərkəzi (DİM) tərəfindən imtahanlarda yüksək fəaliyyəti ilə seçilən imtahan rəhbərləri və zal nəzarətçiləri mükafatlandırılıb.
Shimal.News xəbər verir ki, tədbirdə DİM-in İdarə Heyətinin sədri Məleykə Abbaszadə imtahanların şəffaf keçirilməsində bu şəxslərin əhəmiyyətli rolunu vurğulayaraq, onlara təşəkkür edib.
Nəticədə, 2901 nəzarətçiyə təşəkkür elan olunub, 30 zal nəzarətçisi və 5 imtahan rəhbəri fəxri fərmanla təltif edilib. Eyni zamanda, Xaçmaz regional bölməsində də mükafatlandırma tədbiri keçirilib.
Quba-Xaçmaz Regional Təhsil İdarəsinin tabeliyində fəaliyyət göstərən Xaçmaz şəhəri, Çingiz Abdullayev adına 2 nömrəli tam orta ümumtəhsil məktəbinin müəllimi Qabil Kərimov və Quba rayonu, Zəki Kərimov adına I Nügədi 1 nömrəli tam orta ümumtəhsil məktəbinin müəllimi Azərə Novruzəliyeva fəxri fərmanla mükafatlandırılıb.
DİM onların nümunəvi əməkdaşlığına görə təşəkkür edərək, gələcəkdə uğurlar arzulayıb.
