Böyük Qafqazın Quba və Qusar rayonlarına aid ərazisində keçirilən çöl tədqiqat işləri zamanı dəniz səviyyəsindən 2000-3500 metr yüksəklikdəki nadir bitki növləri tədqiq edilib. Bu barədə ShimalNews 13 avqust tarixində Ekologiya və Təbii Sərvətlər Nazirliyinə (ETSN) istinadən məlumat verir.
ETSN və Botanika İnstitutunun mütəxəssislərindən ibarət ekspedisiya qrupu tərəfindən “Qırmızı kitab”ın III nəşrinin hazırlanması ilə bağlı bitkilərin növbəti monitorinqi həyata keçirilib.
Tədqiq olunan növlərin əksəriyyəti Qafqazın və Azərbaycan florasının endem-subendem, kiçik və fraqmentləşmiş yayılma sahələrinə malik nadir növlərdir.
Həmin növlərin statuslarının qiymətləndirilməsi üçün fotoşəkilləri çəkilib, GPS koordinatları müəyyənləşdirilməklə digər vacib məlumatların qeydiyyatı aparılıb.
Ekspedisiyanın əsas məqsədi yüksək dağlıq ərazilərdə yayılan nadir bitki növlərinin monitorinqinin aparılması, onların yaşayış mühiti və nəslinin kəsilmə səbəbləri haqqında məlumatların toplanmasıdır.
Aparılan tədqiqatlar nəticəsində "Qırmızı kitab"ın III nəşrinə salınması nəzərdə tutulan bitki növlərindən bəzilərinin fotoşəkillərini təqdim edirik.
[caption id="attachment_22345" align="alignnone" width="300"]
Foto ETSN[/caption]
[caption id="attachment_22346" align="alignnone" width="300"]
Foto ETSN[/caption]
[caption id="attachment_22347" align="alignnone" width="300"]
Foto ETSN[/caption]
[caption id="attachment_22348" align="alignnone" width="300"]
Foto ETSN[/caption]
[caption id="attachment_22349" align="alignnone" width="300"]
Foto ETSN[/caption]
