Sabah Quba və İsmayıllı rayonlarının meşəbəyliklərində “Təmiz ölkəm” aksiyası çərçivəsində ərazilər təmizlənəcək. Bu barədə ShimalNews 28 iyul tarixində Ekologiya və Təbii Sərvətlər Nazirliyinə (ETSN) istinadən məlumat verir.
Meşəbəyliklərdə tullantılar yığılaraq ərazilərdən daşınacaq. Tədbirdə yerli əhali, dövlət qurumlarının və təşkilatların əməkdaşları iştirak edəcəklər.
Nazirlik hər kəsi təbiət qoynunda dincələrkən təmizliyə riayət etməyə çağırıb. Eləcə də atılan hər bir tullantının böyük yanğınlara səbəb ola biləcəyi bildirilib.
