Qubada təhsil işçilərinin işə qəbulu ilə bağlı test imtahanı təşkil olunacaq. Bu haqda ShimalNews 22 sentyabr tarixində Quba-Xaçmaz Regional Təhsil İdarəsinə istinadən məlumat verir.
Direktor müavini, məktəbdənkənar və sinifdənxaric tərbiyə işi üzrə təşkilatçı vəzifələri üzrə imtahan 24 sentyabr tarixində saat 11:00-da Azad Məmmədov adına 2 nömrəli məktəb-liseydə baş tutacaq. İştirakçılara 80 dəqiqə ərzində pedaqogika və metodika, əmək və təhsil qanunvericiliyi və riyazi məntiq sahələrini əhatə edən 40 sual təqdim olunacaq.
İmtahan mərkəzinə şəxsiyyəti təsdiq edən sənədlə testin başlamasından 30 dəqiqə əvvəl yaxınlaşmaq mütləqdir.
Ünvan: Əliqulu Nərimanov küçəsi, 56.
