Qubada, Qaraçayın ətraf ərazilərində baş vermiş fəlakətlə bağlı Ekologiya və Təbii Sərvətlər Nazirliyi monitorinq aparır. Bu barədə ShimalNews 27 iyun tarixində Baku TV-yə istinadən məlumat verir.
İkinci Nügədi kəndində çaya gələn sel sakinlərə məxsus sahələrə ziyan vurub. Su təsərrüfat torpaqlarını yuyaraq aparıb və çay yaşayış evlərinə yaxınlaşıb.
Dövlət Mineral Xammal Ehtiyatlarından İstifadə Agentliyi fəlakətin səbəblərini açıqlayıb. Bildirilib ki, Qaraçayda 4 yataq mövcuddur. Onların hazırda qazılmış maksimal 20-25 m dərinlikləri var ki, bu da müəyyən edilmiş həddi 3 dəfə keçir. Karxanaların fəaliyyətinə düzgün nəzarət olunmaması nəticəsində mövcud vəziyyət yaranıb. Müəssisələrin icazələri rəsmi olaraq dayandırılıb və hüquq mühafizə orqanlarına göndərilib.
Son 2 il ərzində ShimalNews müəssisələr tərəfindən çay yataqlarının dərinləşdirilməsini gündəmdə saxlayır. İlk fəlakət qurbanları təsərrüfatlar olmuşdur ki, bağlar suvarılmadığı üçün quruyub. Vəlvələçay, Qaraçay, Qudyalçay və Qusarçayın yataqlarına zərər vurulub. Onların bəzi yerlərlərində məcra 50 metrədək dərinləşib.
[video width="1280" height="720" mp4="https://shimal.news/storage/photos/2023/06/Qubada-tabii-falakat-bas-veran-arazida-monitorinq-kecirildi_1.mp4"][/video]
