Bu gün Qubanın Davudoba kəndində şəhid Orxan Cabarovun şərəfinə yaradılan xatirə-bulaq kompleksinin açılış mərasimi keçirilib. Bu barədə ShimalNews 29 sentyabr tarixində Quba Rayon İcra Hakimiyyətinə istinadən xəbər verir.
Mərasimdə Rayon İcra Hakimiyyətinun məsul şəxsləri, rayonun hüquq-mühafizə orqanlarının və ictimai təşkilatların rəhbərləri, şəhid ailələri, qazilər, rayon və kənd ictimaiyyətinin nümayəndələri iştirak ediblər.
2021-ci il noyabrın 16-da Ermənistanın təxribatları nəticəsində dövlət sərhədində döyüş əməliyyatları baş vermişdir. Nəticədə gizir Orxan Cabarov Kəlbəcər istiqamətində gedən savaşda şəhid olub. O, prezidentin Sərəncamına əsasən, ölümündən sonra 3-cü dərəcəli “Rəşadət” ordeni ilə təltif edilib.
