Birinci Qarabağ müharibəsində itkin düşmüş hesab olunan şəhid İdris Baxışovun nəşinin qalıqları Quba rayonuna gətirilərək torpağa tapşırılıb. Bu barədə ShimalNews 12 iyul tarixində məlumat verir.
Qənidərə kəndində keçirilən dəfn mərasimində şəhidin qohumları, sakinlər, dövlət qurumları və hərbçilər iştirak ediblər.
İdris 1992-ci ildə könüllü cəbhəyə gedib. Bir il sonra - aprel ayının 1-də Kəlbəcərdə itkin düşüb və burada 2024-cü ildə qalıqları tapılıb.
Bir müddət öncə - iyulun 3-ü şəhidimizin anası Simzar xanım 91 yaşında dünyasını dəyişib. Ölüm ayağında olan qadına oğlunun tapıldığı haqda rəsmi xəbəri çatdırmaq mümkün olub.
