Qubada bir qrup yerli sakinə hüquqi yardım göstərilib. Bu haqda ShimalNews 12 iyul tarixində məlumat verir.
Hüquqi konsultasiya xidməti “Regional İnsan Hüquqları və Media Mərkəzi” İctimai Birliyi “Aztəminatlı region sakinlərinin hüquqi müdafiəsinə dəstək” layihəsi cərcivəsində təşkil ediləcək. İB-nin sədri Xalid Kazımov bildirib ki, layihənin məqsədi müharibədən zərər çəkən və aztəminatlı qruplardan olan şəxsləri hüquqi maarifləndirmək, onlara pulsuz hüquqi konsultasiya xidməti göstərmək və məhkəmədə hüquqi müdafiəsini təşkil etməklə problemlərini həll edərək, sosial vəziyyətlərini yaxşılaşdırmaqdır.
Görüş zamanı 24 nəfərə hüquqi konsultasiya xidməti göstərilib.
