Quba rayonunda ağac kömürü istehsal edilən quyular aşkar edilib. Bu haqda ShimalNews 2 may tarixində məlumat verir.
Dövlət Ekoloji Təhlükəsizlik Xidmətinin əməkdaşları tərəfindən keçirilən nəzarət tədbirləri zamanı qanunsuz kömür istehsal edən şəxslərin Xanəgah kənd sakini Səməd Seyidov, Tülər kəndi sakini Sakit Əbilov, Rustov kənd sakinləri Rahib Şıxzadayev, Xalid Güləliyev, Alıc kənd sakinləri Hikmət Fərhadov, Qoşqar Bəybalayev və Novruz İsayev olduqları müəyyən edilib.
Qanunsuz kömür istehsal edən şəxslər barəsində akt, protokol tərtib edilərək qanunamüvafiq tədbir görülüb. Kömür quyuları ləğv edilib.
