Qubada “Tarixin izi ilə: yaddaşımız gələcəyimizdir” II gənclər düşərgəsi davam edir. Bu haqda ShimalNews 29 iyun tarixində məlumat verir.
Düşərgənin birinci günündə iştirakçılar Heydər Əliyevin abidəsini və Quba rayon Şəhidlər xiyabanını ziyarət ediblər. Heydər Əliyev Mərkəzində davam edən tədbirdə dövlət qurumlarının nümayəndələri çıxış ediblər. Onlar qonaqları dövlətimizin, xalqımızın ümummilli mübarizəsinə çevrilmiş Qərbi Azərbaycana qayıdış ideyası, beynəlxalq ictimaiyyətin soydaşlarımızın ata-baba yurdlarına qayıtması istiqamətində ölkəmizin haqlı mövqeyi ilə bağlı düzgün məlumatlandırıblar.
Gənclər düşərgəsi Quba Olimpiya İdman Kompleksində iyunun 30-dək fəaliyyət göstərəcək.
