Qubada gənc kişinin qətlində şübhəli bilinən şəxs tutulub. Bu haqda 2 iyun tarixində ShimalNews DİN-nin Mətbuat Xidmətinə istinadən məlumat verir.
İyunun 2-də saat 01:30 radələrində 26 yaşlı Rəhman Rəhmanovun kəsilmiş-deşilmiş xəsarətlərdən ölməsi barədə polisə məlumat daxil olub. Əməli törətməkdə şübhəli bilinən 27 yaşlı rayon sakini Murad Abbasov polis əməkdaşları tərəfindən saxlanılıb. Hadisə şəxsi münasibətlər zəminində baş verib.
Faktla bağlı Quba Rayon Prokurorluğunda qəsdən adam öldürmə maddəsi ilə cinayət işi başlanıb.
