Qusardan olan daha bir xanım öz biznesinə sahib olub. Bu barədə ShimalNews 22 sentyabr tarixində Qusar Rayonunun Qadın Resurs Mərkəzinə (QRM) istinadən xəbər verir.
Raniyə xanım ilk dəfə qızı üçün corab toxuyub. Əl işi yaxınları tərəfindən bəyənilən qadın ilhamlanaraq sifarişlər almağa başlayıb. Nəhayət QRM-ə müraciət edən xanım orada psixoloji dəstək alaraq özgüvənini və özünə olan inam hissini geri qaytarıb.
“Biznesini qur və inkişaf etdir” təlimində iştirak edən qadın biznes qalibi olub. Ona bütün lazımi avadanlıq təqdim olunub. O, hal-hazırda toxucu maşını ilə daha sürətli şəkildə toxuyaraq əşyaları satır və gəlir qazanır.
“İllərlə xəstəlikdən əziyyət çəkmişəm və xəstə olduğum üçün həyat yoldaşım məndən ayrıldı. Qızımla məni tək qoydu. Bu gün şükür edirəm ki, artıq sağlam həyat tərzi yaşayıram və hər dəfə Qadın Resurs Mərkəzinə sevinc hissi ilə gəlirəm. Çünki tək olmağıma baxmayaraq, qızıma təhsil alması üçün dəstək göstərmişəm”, – deyə Raniyə xanıma öz uğur hekayəsini paylaşıb.
