Tələbə qızı Qubaya qaçıran şəxsin məhkəmə prosesi başa çatıb. Bu barədə ShimalNews 12 iyul tarixində Pravda.az-a istinadən məlumat verir.
29 yaşlı Sadiq Nəbiyev (şərti ad) Sumqayıt şəhər avtovağzalında Aminə Niyazovanı (şərti ad) aldadaraq idarə etdiyi mikroavtobusa əyləşdirib. O, sərnişini Şamaxı rayonuna aparacağını yalan vəd verib və Quba rayonunun Yerfi kəndi ərazisinə aparıb.
Məlumata görə, qız ailə üzvləri ilə əlaqə saxlamaq istəyən zaman Sadiq onun mobil telefonunu əlindən alıb və sındırıb. Sonra Aminə müqavimət göstərərək mikroavtobusdan çıxıb, oradan uzaqlaşmaq istəyib. Bu zaman qızın sağ ayağı qapı arasında qalıb və xəsarət alıb. Sadiq onu tutub, qapıya bağlayıb və saat 08:00 radələrinədək qanunsuz azadlıqdan məhrum edib. Bütün bunlar 30 oktyabr 2021-ci il tarixində törədilib.
Hakim Azər İsmayılovun sədrliyi ilə Sumqayıt Apellyasiya Məhkəməsində S.Nəbiyevə 6 il müddətinə azadlıqdan məhrum edilmə hökmü oxunub.
