Xəbər verdiyimiz kimi, Şəmkir rayonunun Sabirkənd kəndi ərazisində ölümlə nəticələnən ağır yol-nəqliyyat hadisəsi baş verib. Qəza nəticəsində İsmayıllı rayon sakini, 1988-ci il təvəllüdlü Altun Mustafayev hadisə yerində vəfat edib. Mərhum Bakının Binə qəsəbəsində dəfn olunacaq.
Onun 11 və 13 yaşlarında iki övladı qalıb.
Sözügedən şəxsin fotosunu təqdim edirik.
Onu da qeyd edək ki, qəza nəticəsində yaralananlar - 1993-cü il təvəllüdlü S. Şükürlü, 1994-cü il təvəllüdlü Samir Qurbanov (Quba sakini) və 1997-ci il təvəllüdlü Namiq Əsgərov (Şamaxı sakini) Şəmkir Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.
"Onlara bədənin müxtəlif nahiyələrinin çoxsaylı travması diaqnozu təyin edilib.
Hazırda 1993 və 1994-cü il təvəllüdlü şəxslərin müalicələri Reanimasiya şöbəsində davam etdirilir. Vəziyyətləri orta-ağır olaraq qiymətləndirilir.
1997-ci il təvəllüdlü şəxsə isə zəruri tibbi yardım göstərilib və ambulator müalicə üçün evə buraxılıb", - deyə TƏBİB-dən bildirilib.
Foto: unikal
