Bu gün şəhidlər Rüstəm Dünyamalıyev və Toğrul Ağalarlının doğum günləridir.
Rüstəm Nəriman oğlu Dünyamalıyev 31 yanvar 1993-cü ildə Şamaxı rayonunun Qonaqkənd kəndində anadan olub. Qonaqkənd kənd tam orta məktəbində təhsil alıb. Orta təhsilini başa vurduqdan sonra Azərbaycan Silahlı Qüvvələrinin sıralarına xidmətə çağırılıb.
Azərbaycan Silahlı Qüvvələrinin hərbi qulluqçusu olan Rüstəm Dünyamalıyev 20 sentyabr 2023-cü il tarixində həyata keçirilən lokal antiterror tədbirləri zamanı Ağdərə istiqamətində gedən döyüşlərdə şəhid olub.
O, ölümündən sonra 3-cü dərəcəli "Vətənə xidmətə görə" ordeni ilə təltif edilib.
Toğrul Daşqın oğlu Ağalarlı 31 yanvar 1995-ci ildə Ağsu rayonunun Ağalarbəyli kəndində anadan olub. O, Vətən müharibəsi zamanı Suqovuşan qəsəbəsinin azadlığı uğrunda gedən döyüşlərdə iştirak edib. Daha sonra oktyabrın 7-də Xocavəndin azad edilməsi uğrunda döyüşlərdə vuruşub və aldığı qəlpə yarası nəticəsində şəhid olub.
Toğrul Ağalarlı ölümündən sonra "Vətən uğrunda" və "Xocavəndin azad olunmasına görə" medalları ilə təltif edilib.
