Qax şəhərində sahibsiz itlərin kütləvi artması sakinlərdə narahatlıq doğurur.
Bu barədə Shimal.News-a məlumat verən sakinlər bildiriblər ki, mütəmadi olaraq hücumlara məruz qalırlar:
“Parklarda, küçələrdə və bağçalarda sürü halında gəzən itlər insanlara qorxulu anlar yaşadır. Bununla bağlı aidiyyəti qurumlara müraciət edilsə də heç bir tədbir görülmür”, - deyə vətəndaşlar bildirib.
Sahibsiz it-pişiklərlə bağlı problemin həlli üçün müxtəlif yollar var. Onlardan ən əsası xüsusi sığınacaq-bəsləmə məntəqələrin olmasıdır. Belə məntəqələr dünyanın bir çox ölkələrində fəaliyyət göstərir. Məlumat üçün bildirək ki, Qax rayonunda belə bir məntəqə mövcud deyil.
