Yolun kənarında yerləşən Ağsu rayonunun Qarabağlı kənd tam orta məktəbinin hasarı yoxdur.
Təhsil ocağının ərazisi beş kəndi birləşdirən mərkəzi avtomobil yoluna birbaşa çıxışa malikdir. Valideynlərin narahatlığı da məhz bununla bağlıdır.
Onların sözlərinə görə, hasarın olmaması uşaqlar üçün təhlükə yaradır. Bundan əlavə, yolda məktəbin yerini bildirən xəbərdarlıq lövhəsi də quraşdırılmayıb.
Məsələ ilə bağlı Qarabağlı kənd tam orta məktəbindən bildirilib ki, təhsil müəssisəsi 2000-ci ildə bələdiyyəyə məxsus binada fəaliyyətə başlayıb. Bina 2011-ci ildə Təhsil Nazirliyinin balansına verilib və 2015-ci ildə əsaslı təmir olunub.
Qeyd olunub ki, məktəbin hasarının inşası məsələsi qeydiyyata götürülüb və hazırda aidiyyəti qurumlarla birlikdə dəyərləndirmələr aparılır.
Ətraflı Xəzər Xəbər-in videomaterialında.
