Qarabağ Universitetinin rəsmiləri Dağlıq Şirvan Regional Təhsil İdarəsinin tabeliyindəki Qobustan, Şamaxı, Ağsu və İsmayıllı rayonlarında yerləşən məktəblərdə görüşlər keçiriblər.
Shimal.News xəbər verir ki, nümayəndələr abituriyentlərlə keçirilən görüşlərdə Qarabağ Universitetinin ixtisasları, qəbul qaydaları, təhsil imkanları, tələbələrə təqdim olunan sosial və akademik dəstək proqramları barədə ətraflı məlumat veriblər.
Onlar, həmçinin universitetin yeni yaradılmış ixtisasları, müasir tədris infrastrukturu və beynəlxalq əməkdaşlıq layihələri barədə çıxış edərək tələbələrin gələcək karyera imkanları ilə bağlı suallarını cavablandırıblar.
