Adı Azərbaycan Respublikasının “Qırmızı Kitab”da olan quşu Qəbələ rayonunda qəfəsdə aşkar olunub.
Shimal.News xəbər verir ki, IDEA İctimai Birliyinin təşəbbüsü ilə Daxili İşlər Nazirliyi və Ekologiya və Təbii Sərvətlər Nazirliyinin əməkdaşları Bazardüzü” İstirahət Mərkəzində araşdırma aparıblar. Nəticədə 1 qara kərkəsin qanunsuz olaraq saxlanılması müəyyən edilib.
Sözügedən fauna növü baytar mütəxəssislər tərəfindən ərazidən götürülərək müayinə və reabilitasiya üçün Bakı Zooloji Parkına təhvil verilib. Klinik müayinə zamanı quşun bədənində aşkarlanan qurğuşun güllə qalıqları onun ov qurbanı olmasını deməyə əsas verib.
Bundan əlavə, baxış zamanı quşun qida rasionunun zəifliyi, arıqlıq, eləcə də, baytarlıq qaydaları və normativlərinə uyğun olmayan şəraitdə saxlanılması müəyyən olunub.
Xilas edilən qara kərkəsin reabilitasiya müddəti tamamlandıqdan sonra vəhşi təbiətə buraxılması planlaşdırılır.
View this post on Instagram
