Bakıdan start götürən “Qadınlar və yollar. Özünə doğru yol” avtoyürüşü İsmayıllıdan keçəcək. Bu haqda ShimalNews 13 may tarixində məlumat verir.
Kiçik və Orta Biznesin İnkişafı Agentliyinin (KOBİA) dəstəyi ilə keçirilən layihəyə dair dəyirmi masa və mətbuat konfransı keçirilib. Bildirilib ki, avtoyürüş mayın 17-dək davam edəcək. O, Bakı və İsmayıllı ilə yanaşı, Qəbələ və Şəki şəhərlərini, Qobustanı əhatə edəcək.
Basqal və Lahıc qəsəbələrində lentə alınan görüntülər hazırlanacaq filmdə yer alacaq. Azərbaycan qadınlarının müxtəlif sahələrdəki uğurları ön planda olacaq. Həmçinin filmdə böyük turizm potensialına malik ölkəmizin gəzməli-görməli yerləri öz əksini tapacaq.
