Xəbər verdiyimiz kimi, iyulun 7-də Bakı şəhər sakini 1989-cu il təvəllüdlü Nuranə Məcidova Siyəzən rayonunda yerləşən Beş Barmaq dağından paraşüt vasitəsilə atlanarkən yıxılaraq ölüb.
Baku TV-nin məlumatına görə, onun həvəskar paraşütçü olduğu bildirilir.
Paraşüt idmanı üzrə təlimatçı Oktay Qasımov bildirib ki, N.Məcidova uçuş zamanı digər pilotlarla birlikdə olub:
"Aralarında müəyyən məsafə vardı. Hadisəni görüblər və dərhal yaxınlaşıblar. Təəssüf ki, artıq gec idi. On il əvvəl də buna bənzər bir hadisə yaşamışdı, lakin o zaman yüngül xəsarət almışdı. Bir müddət fasilə vermişdi, sonra yenidən bu idmanla məşğul olmağa başlamışdı".
Təlimatçının sözlərinə görə, Nuranə Məcidovanın yeddi yaşlı övladı var idi:
"Əlindən gələni edirdi ki, uşağı yaxşı təhsil alsın. Arzusu var idi, bu il Türkiyənin Fethiye bölgəsinə gedərək Babadağda uçuş etmək istəyirdi. Təəssüf ki, qismət olmadı".
Ətraflı süjetində:
