Xızı və Xaçmaz rayonlarının inzibati ərazisində ov qaydalarını pozan şəxslər aşkar edilib.
Shimal.News xəbər verir ki, Dövlət Ekoloji Təhlükəsizlik Xidmətinin əməkdaşları nəzarət tədbirləri keçiriblər.
Araşdırma zamanı brakonyerlərin Zəngilan rayonu Babaylı kənd sakini Müşfiq Qarayev, Xaçmaz rayonu Qaracəlli kənd sakini Faiq Aslanov müəyyən edilib. Onlardan qanunsuz ovlanmış ov heyvanları aşkar edilərək maddi sübut kimi götürülüb.
Faktla bağlı adıçəkilən şəxslər barəsində protokol tərtib edilib və qanunamüvafiq tədbir görülüb.
