Bakı-Quba-Rusiya ödənişli avtomagistralının Xaçmaz rayonu ərazisində 3 avtomobil qəzaya düşüb. Bu barədə ShimalNews 25 iyul tarixində “Unikal”a istinadən məlumat verir.
Hadisə Hülövlü kəndi ərazisində qeydə alınıb. "CHERY" markalı minik avtomobili idarəetməni itirib və yolun kənarına aşıb. Onun ardınca gələn "KİA" markalı minik avtomobili yolun kənarında saxlamaq istəyib. Bu vaxt “Chevralet" markalı minik avtomobili ona çarpılıb.
Qəza nəticəsində 8 nəfər müxtəlif dərəcəli bədən xəsarətləri alıb. Onlar təcili tibbi yardım briqadalarının köməkliyi ilə Xaçmaz Rayon Mərkəzi Xəstəxanasına çatdırılıblar.
Faktla bağlı araşdırma aparılır.
