Gəndob-Yalama yolunda hərəkətdə olan “VAZ” markalı avtomobilin sürücüsü Vilayət Əmirovun narkotik vasitənin təsiri altında olması ilə bağlı əsaslı şübhələr yaranıb.
Shimal.News xəbər verir ki, Yol Patrul Xidməti (YPX) əməkdaşları tərəfindən sürücünün tibbi müayinədən keçirilməsi təmin edilib və fakt təsdiqini tapıb. Bundan əlavə, onun avtomobilində narkotik vasitə də aşkarlanıb. Sürücü ərazi polis orqanına təhvil verilib.
Həmçinin Xaçmaz rayon sakinləri Səməd Əhmədov və Əlsafa Hüseynov da narkotik maddə qəbul edərək sükan arxasına keçdikləri üçün YPX əməkdaşları tərəfindən ifşa olunub və barələrində qanunauyğun tədbirlər görülüb.
Baş Dövlət Yol Polisi İdarəsi bir daha narkotik vasitələrin təsiri altında sükan arxasına əyləşən şəxsləri xəbərdar edərək, bu cür hüquqazidd əməllərin qarşısının daha sərt tədbirlərlə alınacağını bildirib.
