İsmayıllı rayonunda narkotikin təsiri altında avtomobili idarə edən şəxs saxlanılıb.
DİN-in Mətbuat Xidmətinə əsasən, polis əməkdaşlarının keçirdikləri tədbirlər zamanı “VAZ-2107” markalı avtomobilin sürücüsü Ülvi Qaçayev ötmə qaydasını pozduğu üçün ona “saxla” işarəsi verilib. Sənədləri yoxlanarkən sürücülük hüququnun olmadığı və narkotik vasitə qəbul etdiyi ehtimalı olduğu üçün sürücü tibbi müayinədən keçirilib. Nəticədə Ü.Qaçayevin marixuana istifadə etdiyi müəyyənləşib.
Məhkəmənin qərarı ilə sürücü 15 sutka inzibati qaydada həbs edilib.
